اخبار

په پکتیکا کې دوه تنه وسلوال مخالفین د سولې بهیرسره یوځای شول

زرکلم د پکتیکا د برمل ولسوالۍ  اوسیدونکی چې له شپږو کلونو راهیسې یې په برمل او شکېن ولسوالۍ کې دولت ضد وسلوال فعالیتونه ترسره کول . او میرولې د پکتیکا د مرکز شرنې اوسیدونکی چې له دوه کالو راهیسې یې په مټاخان ولسوالۍ کې دولت ضد وسلوال فعالیتونه ترسره کول د روان کال د ثور په ۶ نیټه د پکتیکا د سولې ولایتي کميټې د هڅو په پایله کې له وسلوال مخالفت څخه لاس واخیست او له خپلو وسلو سره د سولې بهیرسره یو ځای شول. نوموړیو د سولې پروسې سره د یوځای کېدو لامل د روانې جګړې نامشروعیت وباله او د سولې ولایتې کمیټې سره یې ژمنه وکړه چې نور وسلوال مخالفین به هم د سولې بهیرسره یوځای کوي.

افغان ښځې هم د سولی په تأمین کی کار کولی شي

له نیکه مرغه اوس د افغانستان د سولې پروسې په خبرو او ناستو کې ښځې هم فعاله ونډه لري، دا ځکه  چې افغان ښځې د مور ، خور او میرمنې په صفت کولی شي  خپل زامن ، وروڼه او میړونه د جګړې او مخالفت له لیکو څخه راوباسي.
دغه خبره د کندهار د سولې ولایتي کمیټې منشي جمیله (یوسفی) د سولې په هغه خبري کنفرانس کې وکړه چې د سولې ولایتي کمیټې د ښځېنه غړو، ښځېنه ښوونکو او مدني فعالانو په ګډون په کندهار کې د افغان ښځو شبکې دفتر له خوا د کب میاشتی په 6 نیټه رابلل شوی و.
په پیل کې د کندهار افغان ښځو شبکې مسئولې ګلالۍ شیرزی په کابل کې د سولې د څلورم پړاو خبرو په اړه د افغان ښځو شبکې خپره شوې اعلامیه ولوستله چې  په یوه برخه کې یې راغلی وو: د هیواد میرمنو تر هرچا زیات د جګړی زیانونه او قربانۍ زغملې دي او  اوس د سولې خبرو مثبتو پایلو ته سترګی په لاره دي.
وروسته د سولې ولایتي کمیټې غړو او مدني فعالانو په هیواد کې د سولې د روانو خبرو ، پرمختګونو او د مخالفینو د دریځ په اړه د برخوالو پوښتنو ته په ځوابونو کې و ویل: د سولې په روانه پروسه کې د ښځو له ګډون پرته د سولې او ثبات تأمینول د امکان څخه لرې خبره ده دا ځکه چې د ښځو او میرمنو زامن ، وروڼه او میړونه د جګړو او مخالفینو په لیکو کې ولاړ دي. همدا راز هغوی د هیواد د لرې پرتو سیمو  پر میرمنو او ښځو باندې ږغ وکړ خپلو هغو دوستانو ته  چې لا اوس هم په جګړه اخته دي د سولې پیغام  ورسوي او وې پوهوي چې جګړه ګټه نه لري، د افغانستان دښمنان زموږ له بې اتفاقۍ او ناپوهۍ څخه ناوړه ګټه پورته کوي، افغانان یې په خپلو منځونو کې په یوه او بل نامه سره و جنګول، نور وسله والو مخالفینو ته فکر کول پکار دي تر څو نور د پردیو په اشاره  خپل هیواد وران نه کړي، ورته ښایي  د سولې پروسې سره یوځای شي او په خپلو کورونو کې د عزت ژوند پیل کړي.

په علیشنګ ولسوالۍ کې د لغمان د سولې ولایتي کمیټې غونډه د لغمان ولایت د سولی ولایتي کمیټی په هڅو د روان کال د حوت په څلورمه نیټه په علیشنګ ولسوالی کی د قومي مشرانو، علماء کرامو، ځوانانو، د سولې ولایتي کمیټې غړو او نورو دولتي چارواکو په ګډون یوه غونډه

د لغمان ولایت د سولی ولایتي کمیټی په هڅو د روان کال د حوت په څلورمه نیټه په علیشنګ ولسوالی کی د قومي مشرانو، علماء کرامو، ځوانانو، د سولې ولایتي کمیټې غړو او نورو دولتي چارواکو په ګډون یوه غونډه جوړه شوې وه. په پیل کې د یادې ولسوالۍ ولسوال سید شریف پاچا پرانستونکې وینا وکړه او له ټولو ګډونوالو یې غوښتنه وکړه چې د img laghman peace committee session hoot 4سولې، ثبات، او امنیتي ځواکونو نه د ملاتړ په موخه د عامه ذهنیت رغونه ترسره کړي. ورپسې د سولې ولایتي کمیټې غړي مولوي عبدالغفور خمیني د غونډې ګډونوالو ته وینا وکړه، پر علماوو او قومي مشرانو یې غږ وکړ چې د سولې پروسې د بریا لپاره خپلې هڅې ګړندۍ کړي.
وروسته په  وار سره د یادې ولسوالۍ علماوو او قومي مشرانو د سولې پر اهمیت خبرې وکړی، څرګنده یې کړه چې  دوی به  په ټوله معنی د سیمې خلک وهڅوي چې د امنیت ټینګښت لپاره کار وکړي او ولسونو ته د اسلام مبارک دین په رڼا کې  د سولې پر اهمیت او د جګړو پر زیانونو هر اړخیز معلومات ورکړي.

د تلپاتې سولې لپاره غښتلي اراده په کار ده

 د لغمان سولې ولایتي کمیټې مشرتابه د خپلو سوله ییزو هڅو په لړ کې د روان کال د حوت په ۵ مه نیټه د لغمان پوهنتون له استاذانو او محصلانو سره غونډه درلوده.
img laghman strong will for peace hoot 5په پیل کې د سولې ولایتي کمیټې غړي مولوي محمد حسن خبرې وکړې، وې ویل: دسولې لپاره له تېرو پنځو کلونو راپدیخوا هڅې روانې دي، د دې لپاره چې د تلپاتې سولې په ټېنګښت بریالي شو، اړتیا لیدل کیږي چې دیوې غښتلي او قوي ارادي له مخې د دې پروسې د پیاوړتیا لپاره ګډ کار وکړو.
 ښاغلي مولوي محمد حسن زیاته کړه چې د بشریت ستر لارښود حضرت محمد مصطفی صلی الله علیه وسلم هم په خپل وخت کې له کفارو سره سولې کړې او پر جګړو يې سولې ته غوروالی ورکړی دی. دا چې زموږ خوږ پيغمبر صلی الله علیه وسلم سوله خوښه کړې، نو راځئ چې مونږ د خپل خوږ پيغمبر صلی الله علیه وسلم لاره تعقیب او د سولې لپاره اساسي کار ترسره کړو.
مولوی محمد حسن دخپلو خبرو په وروستیو کې په ټولو محصلانو او ځوانانو غږ وکړ چې تر هر کلي او کور دسولې پيغامونه ورسوي او هغوی چې مرګوني لاره يې خپله کړې، له ممکنو ادرسونو په دې وپوهوي ،څو دسولې لاره خپله کړي.
وروسته په وار سره  دلغمان پوهنتون مشرتابه، یوشمېر استاذانو او محصلانو خبرې وکړي، د سولې له روان بهیر يې خپل ملاتړ په ډاګه کړ او ژمنه يې وکړه چې دسولې لپاره به په پوره ژمنتیا سره کار وکړي.

زیر مجموعه ها

د ۱۳۹۶ کلیز