Language Switcher

RJ Social Icons

Facebook Likebox Slider

×

هشدار

JFolder: :فایلها: مسیر یک پوشه نیست. مسیر: images/hpc_newsletter_current

د شهید مولوي صاحب محمدهاشم (منیب) لنډه پیژندنه

مولوي محمدهاشم منیب د رحمان سید زوی د عبدالجلال لمسی په ۱۳۳۲هـ لمریزکال د کونړولایت وټه پور ولسوالۍ د دهوز کلي په یوه دینداره کورنۍ کې زیږیدلی. لومړنۍ زده کړې یې د مرورې په کلي کې د مولوي محمد معشوق څخه پیل کړې. بیا د پیښور په سرحد دارالعلوم کی داخل شو، ورپسې یې په حدیقهَ العلوم کې زده کړې ته دوام ورکړ. په ۱۳۵۴لمریز کال کې یې د پیښور په جامعه اشرفیه کې د احادیثو لویه دوره، او په ۱۳۵۵هـ لمریزکال د پنج پیر په مدرسه کې د تفسیر لویه دوره بشپړه کړه، له فراغت وروسته خپل کلي ته راغی او خلکو ته یې د قرآنکریم د ترجمې او تفسیر ښوونه کوله چې له برکته یې ډیر ناسم رسمونه اصلاح او ناوړه تربګنۍ په ورورۍ بدلې شوې.

 

shahidMunibله کمونستي کودتا وروسته شهید مولوي صاحب منیب د قومندان میاګل او شهید قومندان رحمت ګل په ملګرتیا د کمونستانو په خلاف جبهه پرانیستله او کمه موده وروسته دغه مقاومتونه په ملي پاڅون واوښتل، او کله چې د فتوحاتو لړۍ اسدآباد ته ورسیده، مجاهدینو د چارو د سمون لپاره یوه عمومي شورا جوړه کړه چی شهید مولوي صاحب یې هم غړیتوب درلود.
وروسته د مجاهدینو له خوا  په باجوړ کې د مهاجرینو د سرحدي دفتر آمر او ورپسې د جهادي تشکیلاتو په چوکاټ کی د کونړ ولایت د دویمې حوزې آمر او د کونړ ولایت د جهادي امارت مرستیال وټاکل شو. د کونړ ولایت له ازادۍ وروسته د ټولو سیاسي جهادي ګوندونو(د متحدې اسلامي شورا) په تشکیل کی د نظامي چارو د رئیس دنده وروسپارل شوه. د شهید استاد رباني د واکمنۍ په وخت کی د کونړ ولایت د مرستیال په توګه وټاکل شو او ورسره یې د مشرقي شورا غړیتوب هم درلود. طالبانو چې کونړ ولایت ته مخه کړه، والي استعفا وکړه او شهید مولوي صاحب د والي په توګه وټاکل شو، د طالبانو له سقوط وروسته د سترې محکمې د جزاء دیوان د رئیس په توګه وټاکل شو، د اضطراري لویې جرګی غړیتوب یی هم درلود، وروسته د علماوو د سرتاسري شورا د غړي او د پوهنې وزارت د  دیني چارو د مشاور په توګه ومنل شو. د سولې د عالي شورا له تاسیس وروسته د کونړ ولایت د سولې شورا د رئیس په دنده وګومارل شو چی په کونړ ولایت کې یې د لویو شخړو د حل، سولې او امنیت د تأمین په برخه کې نه ستړې کیدونکی هلې ځلې کړیدي .
بالآخره شهید مولوي منیب د۱۳۹۱کال د حمل په ۱۸ مه نیټه پداسې حال کې چې د جمعې لمانځه له ادا کولو وروسته خپل کور ته روان و، د تعصب او جاهلیت په لاس د روزل شویو ځان پلورونکو او د هیواد د دښمنانو په ناځوانمردانه ځانمرګي برید کې له خپل زلمي زوی سعیدالله سره یوځای په شهادت ورسید.    

انا لله وانا الیه راجعون

خبرنامه جدید

سولې او پخلاینه

Peace Reconciliation Booklet Pashto Page 01

صلح و آشتی

Peace Reconciliation Booklet Dari Page 01